AQSH Ukrainaga yuqori aniqlikda boshqariladigan Excalibur snaryadlarini topshirgan, deb yozadi Bloomberg budjet hujjatlariga tayanib.
Bloomberg ma’lumotlariga ko‘ra, Excalibur snaryadlari yetkazib berilgani haqida avval rasmiylar ma’lum qilmagan, budjet hujjatlari buning birinchi tasdig‘idir.
Pentagon Ukrainani Excalibur bilan ta’minlash uchun 92 million dollar sarflamoqda. Ushbu snaryadlardan 155 millimetrli gaubitsalar yordamida foydalanish mumkin. Excalibur snaryadining radiusi 40,5 kilometrni tashkil qiladi, uning nishondan og‘ishi 2 metrdan oshmasligi aytiladi.
Avgust oyi oxirida Politico o‘z manbasiga tayanib, Ukrainaga Excalibur yetkazib berish rejalari haqida yozgandi. Nashr suhbatdoshi ular yaqin oradagi harbiy yordam paketiga kiritilmasligini aytgan.
Izoh (0)