O‘zbekiston futbol assotsiatsiyasi (O‘FA) totalizator va kelishilgan o‘yinlarda ishtirok etgan futbolchilar haqida tarqalgan xabarlar yuzasidan bayonot berdi.
Qayd etilishicha, O‘FA maxsus inspeksiyasi mazkur holat bo‘yicha tekshiruvlarni boshlab yuborgan va ayni vaqtda o‘rganish ishlari olib borilyapti.
Vaziyatni to‘liq ochiqlash va barcha aybdorlarni aniqlash yuzasidan xalqaro tashkilotlar bilan ham muzokaralar olib borilayotgani ta’kidlangan.
4-sentabr kuni turli OAVda o‘zini bukmekerlik kompaniyasi inspektori deb tanishtirgan shaxs “Lokomotiv” klubi futbolchilarining kelishilgan o‘yinlarda qatnashganini iddao qilgani haqida xabarlar yangradi. Xususan, ushbu xatga “Lokomotiv” legioneri Kaxi Maxaradzening yozishmalari ilova qilingan.
Izoh (0)