“Daryo” ko‘pchilikka qizig‘-u, lekin sirlari ko‘p bort kuzatuvchilarining osmondagi hayoti, parvoz mashaqqatlari haqida batafsil ma’lumot bergan edi. Tahririyatimizga jo‘natilgan ko‘plab murojaat va savollar navbatdagi mavzuda material tayyorlashga sabab bo‘ldi.
O‘quv-mashq markazi aviatsiya xodimlarini tayyorlash va qayta tayyorlash bo‘yicha asosiy o‘quv muassasasi hisoblanadi. Ushbu markaz uchuvchi hamda bort kuzatuvchilari, shuningdek, parvozlarni boshqarish markazlari va parvozlarning aeronavigatsiya ta’minoti xizmatlari uchun xodimlarni dastlabki tayyorlovni amalga oshiradi. O‘quv-mashq markazi zamonaviy trenajyor komplekslariga ega bo‘lib, mashg‘ulotlar maxsus funksiyali trenajyorlarda haftasiga 7 kun, sutkasiga 24 soat o‘tkaziladi. Tanlovdan o‘tgan o‘quvchilar guruhlarga bo‘linib, 1-1,5 oy mobaynida mashg‘ulotlar o‘taydi. Sohaga qiziqqan istalgan kishi o‘z ustida ko‘proq ishlab, darslarni yaxshi o‘zlashtirsagina, bort kuzatuvchisi bo‘la oladi.
Darslarda ingliz va o‘zbek tili kabi nazariy bilimlar bilan birgalikda amaliy mashg‘ulotlar ham o‘tiladi. O‘quvchilar favqulodda vaziyatlarda yo‘lovchilarni qutqarishni, avariya holatlarida samolyotda yong‘in chiqsa, uni qanday to‘g‘ri bartaraf etishni o‘rganishadi.
Videoning to‘liq variantini “Daryo”ning YouTube’dagi sahifasi orqali tomosha qilishingiz mumkin.
Sevara Mirzarahimova suhbatlashdi.
Tasvirchi va montajchi – Dilruh Isomiddinova, Ma’murjon Obrahmatov.
Izoh (0)