Rossiyaning Moskva viloyatidagi “Patriot” kongress-ko‘rgazma markazida “ArMI—2022” Xalqaro armiya o‘yinlarining yopilish marosimi bo‘lib o‘tdi. Bu haqda Mudofaa vazirligi xabar qildi.
Qayd etilishicha, joriy yilgi xalqaro armiya o‘yinlarining 21 ta yo‘nalishida ishtirok etgan O‘zbekiston Mudofaa vazirligi jamoalari 7 ta oltinni qo‘lga kiritib, umumjamoa hisobida ikkinchi o‘rinni egallagan. Birinchi o‘rin Rossiyaga nasib etgan bo‘lsa, kuchli uchlikka Belarus jamoalari yakun yasagan.
An’anaga muvofiq Xalqaro armiya o‘yinlari Rossiya Mudofaa vazirligining Markaziy harbiy orkestri, Xalq artisti Igor Butman boshchiligidagi Moskva jaz orkestri, shuningdek, “Armiya madaniyati” musobaqasi ishtirokchi davlatlarining milliy madaniy jamoasi chiqishlari bilan yakunlangan.
Izoh (0)