Qozog‘istonning Pavlodar viloyatidan Tojikiston va O‘zbekistonga noqonuniy yo‘llar bilan vagonlarda benzin olib o‘tilayotgani aniqlandi, deb xabar beradi Tengrinews.
Qayd etilishicha, Pavlodar viloyatidan tashqariga yoqilg‘ini noqonuniy olib chiqib ketish bilan bog‘liq ikkita faktga chek qo‘yilgan.
Bir kompaniya antidetonator yonilg‘i sifatida o‘nta vagonni Tojikiston va O‘zbekistonga olib o‘tmoqchi bo‘lgan. Hozirda tergov harakatlari olib borilmoqda.
“Qo‘shimcha namunalar olindi, ekspertiza o‘tkazildi. Hozirda tergov davom etmoqda”, — deyiladi xabarda.
Qo‘shimcha qilinishicha, tergovga oid boshqa ma’lumotlar oshkor etilmagan.
Izoh (0)