Ortiqxo‘jayev Toshkent shahar Jamoatchilik kengashi a’zoligiga bir qator blogerlarni taklif qildi

Toshkent shahar hokimi Jahongir Ortiqxo‘jayev Shahar jamoatchilik kengashi yuzasidan poytaxt deputatlari kengashiga bir qator takliflar bildirdi.

Xususan, hokim Jamoatchilik kengashi a’zoligiga bir qator blogerlarni taklif qildi.

“Men keng jamoatchilikka OAV vakillarini, jurnalist va blogerlarni, xususan, shahrimizdagi o‘zgarishlar, poytaxtimizning flora va faunasiga befarq bo‘lmagan Nikita Makarenko, Aleksandra Ivanyujenko, Saodat Abduzakirova, Abu Ali Niyozmatovlar kabi faol hamshaharlarimizni Jamoatchilik kengashi a’zoligiga taklif qilaman.

Ishonamanki, ularning bu yerdagi faoliyati, fikrlari, taklif va tashabbuslari, albatta, shahrimizdagi yangilanishlar hamda o‘zgarishlar jarayoniga, bizning turli soha va yo‘nalishlardagi faoliyatimizga ijobiy ta’sir ko‘rsatadi”, – deydi Jahongir Ortiqxo‘jayev.