OPEK+ ittifoqi yaqin kelajakda neft qazib olishni qisqartirish niyatida emas. Lekin Eron nefti jahon bozoriga qaytsa, bunday qaror qabul qilinishi ehtimoli bor. Bu haqda Reuters xabar berdi.
Agentlikning qayd etishicha, agar Eron va G‘arb yadroviy bitim tuzsa, Eron nefti jahon bozoriga qaytishi mumkin.
Bir kun avval, 23-avgustda OPEK+ agar sanksiyalar ostida qolgan Eron nefti yana jahon bozorida sotilsa, neft qazib olishni qisqartirishga tayyor ekanligini bildirgan edi.
Shundan so‘ng, OPEK+ neft bozorida ishlab chiqarishni qisqartirishi mumkinligi haqidagi xavotir sabab xomashyo narxi o‘rtacha darajada oshib bormoqda.
Oxirgi haftalarda neft narxi Xitoyning iqtisodiy sekinlashuvi va G‘arbdagi retsessiya xavotirlari tufayli bir barrel uchun 120 dollardan 95 dollargacha tushib ketgandi.
OPEK+ kelishuviga kiritilgan yirik neft ishlab chiqaruvchilari quvvat yetishmasligi sababli sentabr oyida ishlab chiqarishni atigi 100 ming barrelga oshirishga muvaffaq bo‘lgan.
Kelishuv shartlariga ko‘ra, Rossiya ishlab chiqarishni kuniga 11 million barrelgacha oshirishi kerak, biroq sanksiyalar tufayli eksport bilan bog‘liq muammolarni hisobga olsak, bu darajaga erishish nihoyatda qiyin bo‘ladi.
Avvalroq Turkiya Rossiyadan neft importini ikki baravar oshirgani haqida xabar berilgandi.
Izoh (0)