“Qalpoq”dagi Maraymamat — aktyor Rahmonali Suropov “Daryo” internet-nashriga eksklyuziv intervyu berdi. Intervyuni “Daryo” muxbiri Feruz Muhammad tashkillashtirdi.
Suhbat davomida aktyor Rahmonali Suropov aktrisa Fotima Nazarova hamda bugungi kunda teatr aktyor va aktrisalari qiyin iqsodiy sharoitda yashayotgani haqida gapirib berdi.
Biz aktrisa Fotima Nazarova bilan institutda birga o‘qiganmiz, u mendan bir kurs pastda edi. Yotoqxonada turganmiz. Fotima o‘sha paytda ham kamtar bo‘lib yurardi. Man Fotimani yaxshi ham ko‘rganman. Uylanmoqchi ham bo‘lganman. Lekin taqdirni Alloh belgilarkan.Aktyor Rahmonali Suropov bugungi kunda kino va teatr olami vakillari iqsodiy qiyin sharoitlarda yashashi haqida quyidagi fikrlarni bildirdi.Yotoqxonaga joylashdi. Keyin orada yo‘q bo‘lib qoldi. Aloqa uzilib qoldi. Oldindan “Qalpoq”ning eski sonlarida ham chiqqan. Ozodbek Nazarbekov chiqqan ko‘rsatuvimizda ham chiqqan, yozuvchi Farmonning onasi bo‘lib epizodda o‘ynagan. O‘sha paytlarda ham chiqib yurardi, lekin kam rol berilardi.
Biz ssenariy yozganda ko‘p joylarini Alfiyaga yozardik. Mana 3 yil bo‘ldi, Sohibaga alohida urg‘u berib, katta rollar beryapmiz.
Man iloji boricha, yozayotganimda o‘zimga kamroq rol qilib, boshqa sahnalarga ko‘p e’tibor qaratsam deymanda, baribir sujet bo‘yicha yozib borayotganda o‘zimni kamroq qo‘shsam, chiroyli chiqmay qolsa, qo‘shishga majbur bo‘laman. Avvalgi sonda ham man ko‘proq qatnashdim. Ba’zilarida bitta sahnaga yozamanda, ko‘rinib qo‘ysam bo‘ldida deyman.
Xudo xohlasa, Sohibadan umidimiz katta. Sohiba kampir va Sohibaning o‘zini ko‘proq yozishga, ko‘proq sahnada ko‘rinishga harakat qilyapmiz.
“Qalpoq” qancha yashaydi, Xudo biladi. Lekin oxirigacha Sohibaga urg‘u berib boramiz. Talantli ayol, baland tonlarda kuylay oladi. Musiqali drama yo‘nalishida o‘qigan.
Biz ko‘pchilik edik. Alfiya, Iskandar, Orif. Bilmadim nega unaqa bo‘lgan? Fotima orada yo‘q bo‘lib qoldi. San’atdan ketdi deyishdi.
Masalan, xotinimni o‘ynaydigan opamiz ham Qalpoqda 50 yoshidan keyin tanilishni boshladilar. Mashhurlikning, tanilishning erta-kechi yo‘q ekan, Xudo xohlasa, Fotimada ham shunday yaxshi bo‘ladi.
Rahmonali Suropov, aktyor, “Qalpoq” hajviy ko‘rsatuvi asoschisi
Nega artistga yopishadi bular? Artistlarning ichida sharoiti zo‘r, iqtisodi yaxshilari ko‘pi bilan o‘ttizta chiqishi mumkin xolos. Qolganlari bir amallab kun kechiradi.Ma’lumot uchun, Rahmonali Suropov 1969-yil, 1-yanvar kuni Namangan viloyati, Chust tumani, Axcha qishlog‘ida dunyoga kelgan. Teatr va rassomchilik institutida tahsil olgan. “Qalpoq” hajviy ko‘rsatuvi asoschisi. Oilali. Uch farzandning otasi.Viloyatdagi teatrlarga kunduz kuni soat ikki-uchlarda borishsin va aktyorlarning ahvolini ko‘rishsin. Aktyorlarning og‘zidan ochlikni hidi kelib turadi. Kerak bo‘lsa, obed qilishmaydi. Lekin ular fidoyi.
Kimdir “ishlamasin, boshqa kasb qilsin”, deyishi mumkin. Aktyor yoki aktrisaga 20 ming dollar berasiz-da, boshqa artistlik qilmagin desangiz, xo‘p deydida, baribir qiladi. Chunki san’atkorni tushunish qiyin. San’atkor yaxshi ma’nodagi sal telbaroq kishi bo‘ladi. Uning qobiliyatini Alloh beradi. Alloh buyurmasa eshak bozorga dallol bo‘lmaydi. U talantni hammaga ham beravermaydi.
Rahmonali Suropov, aktyor, “Qalpoq” hajviy ko‘rsatuvi asoschisi
Izoh (0)