Farg‘ona viloyati Bog‘dod tumanida xonadonida taqiqlangan modda saqlagan shaxs aniqlandi.
2022-yilning 12-avgust kuni tuman IIB JQB xodimlari tomonidan o‘tkazilgan tezkor tadbir davomida, “Sho‘roqyer” mahalla hududida yashovchi D.V.ning yashash xonadoni xolislar ishtirokida ko‘zdan kechirilgan.
Natijada uning hovlisida marixuana giyohvandlik moddasi borligi aniqlanib, xolislar ishtirokida daliliy ashyo tariqasida olingan.
Mazkur holat yuzasidan Bog‘dod tumani IIB huzuridagi tergov bo‘linmasi tomonidan Jinoyat kodeksining 276-moddasi 2-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Jinoyat kodeksining 276-moddasi 2-qismida ko‘rsatilgan jinoyatni sodir etgan shaxs 5 yilgacha ozodlikdan mahrum qilish bilan jazolanishi mumkin.
Izoh (0)