Farg‘ona shahrida fuqaroning plastik kartasidan 4 million so‘m yechib olgan shaxs qo‘lga olindi. Bu haqda viloyat ichki ishlar boshqarmasi axborot xizmati xabar berdi.
Qayd etilishicha, fuqaro T.A. IIBga murojaat qilib, unda 2022-yilning 26-iyul kuni noma’lum shaxs tegishli bank tomonidan berilgan plastik kartasida bo‘lgan jami 4 million so‘m pullarini kompyuter yordamida o‘ziga sezdirmay yechib olganini bildirgan.
Holat yuzasidan Farg‘ona shahri IIO FMB huzuridagi tergov bo‘limi tomonidan Jinoyat kodeksining 169-moddasi (o‘g‘rilik) 3-qismi “b” bandi bilan jinoyat ishi qo‘zg‘atilgan. Olib borilgan tezkor surishtiruv ishlari davomida ushbu jinoyatni S.S. sodir etgani aniqlanib, protsessual tartibda ushlangan.
Mavzuga doir: Farg‘onada fuqaroning plastik kartasidan 527 ming so‘m yechib olgan ayol qamoqqa olindi
Izoh (0)