Shavkat Mirziyoyev Ka’batulloh ichida namoz o‘qidi

Shavkat Mirziyoyev Saudiya Arabistoniga ikki kunlik tashrifi yakunida Makka shahrida ham bo‘lib, Umra amallarini bajardi.

Prezident matbuot xizmatining xabar berishicha, davlat rahbari islom dini arkonlariga muvofiq ehromga kirib, namoz o‘qidi, talbiya aytib, Masjidul Haramga bordi.

“Ma’lumki, Ka’batullohning ichiga kirish musulmonlar orzu qiladigan ulug‘ sharafdir. Prezidentimiz ana shunday sharafga muyassar bo‘lib, Ka’batullohning ichida namoz o‘qidi”, — deb ta’kidlangan xabarda.

So‘ng davlat rahbari Baytulloh atrofida yetti bor tavof, Safo va Marva tepaliklari orasida yettita sa’y qildi.

O‘zbekiston delegatsiyasi a’zolari, ulamo va ziyolilar bilan birgalikda yurtimizga tinchlik va taraqqiyot, xalqimizga salomatlik va farovonlik tilab duolar o‘qildi.