General Motors 2023-yilda UzAuto Motors’ning uchta zavodida avtomobil ishlab chiqarish hajmini 1,5 barobarga – 500 ming donagacha oshirishiga ko‘maklashadi. Bu haqda “Podrobno.uz” xabar bermoqda.
General Motors O‘zbekistonda ishlab chiqarilmaydigan mikrochiplar: boshqaruv mikrosxemalari va bort elektronikasi bilan uzluksiz yetkazib berishni tashkil etishga yordam beradi.
Fevral oyida bo‘lib o‘tgan yig‘ilishda birinchi yarim yillikda 160 mingta, yil oxirigacha esa 275 ming dona avtomobil ishlab chiqarish uchun zarur bo‘lgan ehtiyot qismlar va butlovchi qismlar yetkazib berishni ta’minlash topshirilgan edi.
Biroq zavod rejalari bu ko‘rsatkichlardan oshib ketdi: joriy yilda UzAuto Motors Asaka va Pitnakdagi zavodlarida 340 ming dona avtomobil ishlab chiqarishni rejalashtirgan.
Ushbu ishlab chiqarish hajmi UzAuto Motors uchun rekorddir: zavodning loyihaviy quvvati yiliga 250 ming avtomobilni tashkil etadi.
Ishlab chiqarishning o‘sishi avtomobillar uchun navbatlarning qisqarishiga olib kelishi kerak, biroq yangi loyihani amalga oshirish muddati hali rasman e’lon qilinmagan.
Mutaxassislarning fikricha, yiliga 500 ming dona avtomobil ishlab chiqarish nihoyatda ulkan va deyarli amalga oshirib bo‘lmaydigan vazifaga o‘xshaydi. Bundan tashqari, yiliga yarim million avtomobil ishlab chiqarishga kirishish vazifasi 2023-yil oxirigacha bajarilishi kerak.
Joriy yilda UzAuto Motors ikkita yangi model — Chevrolet Tracker va Chevrolet Onix ishlab chiqarishni yo‘lga qo‘yadi. Ushbu modellarni ishlab chiqarish hajmi yiliga 190 ming avtomobil darajasida rejalashtirilgan.
Avvalroq Chevrolet Onix haqida nimalar ma’lumligi to‘g‘risida xabar berilgandi.
Izoh (0)