Farg‘ona viloyati Quva tumanida nazoratsiz yurgan 12 nafar voyaga yetmagan bola aniqlanib, voyaga yetmaganlarga ijtimoiy-huquqiy yordam ko‘rsatish markaziga joylashtirildi. Bu haqda viloyat ichki ishlar boshqarmasi axborot xizmati xabar berdi.
Ma’lum qilinishicha, viloyat bo‘ylab hamkor tashkilotlar bilan birgalikda jinoyat va huquqbuzarliklarning oldini olishga qaratilgan dolzarb 40 kunlik tadbirlar doirasida Quva tumanida ham kunduzgi va tungi profilaktik tadbirlar amalga oshirilmoqda.
Tuman hududida faoliyat yuritayotgan ko‘ngilochar, ko‘cha va jamoat joylarida olib borilgan reyd tadbirlari davomida Andijon viloyati Shahrixon tumani va Toshloq tumanidan kelib, nazoratsiz yurgan 12 nafar voyaga yetmagan bola aniqlanib, ular tomonidan kelgusida jinoyat va huquqbuzarliklar sodir etilishining oldini olish maqsadida voyaga yetmaganlarga ijtimoiy-huquqiy yordam ko‘rsatish markaziga joylashtirildi. Tadbirlar joylarda davom etmoqda.
Izoh (0)