Ijtimoiy tarmoqlarda Jizzax viloyati Paxtakor tumanida yashovchi voyaga yetmagan qiz xolasi tomonidan kaltaklangani, oqibatda vafot etgani haqida xabar tarqaldi. Bosh prokuror Hayot Shamsutdinov “Daryo”ga holatni tasdiqladi.
Qayd etilishicha, tumanning “Toshkent” MFYda yashovchi fuqaro D.Y. qarindoshining tegishli hujjatlarsiz qaramog‘iga topshirilgan farzandi Sh.Q. (2019-yilda tug‘ilgan)ga qasddan og‘ir tan jarohati yetkazgan.
Oqibatda voyaga yetmagan Sh.Q. o‘ziga kelmasdan, 13-avgust kuni shifoxonada vafot etgan.
D.Y.ga nisbatan Jinoyat kodeksining 104-moddasi (qasddan badanga og‘ir shikast yetkazish) tegishli qismi bilan jinoyat ishi qo‘zg‘atilgan. Sud ajrimiga ko‘ra, unga qamoqqa olish tarzidagi ehtiyot chorasi qo‘llanilgan.
Hozirda mazkur jinoyat ishlari bo‘yicha viloyat prokuraturasi tomonidan dastlabki tergov harakatlari olib borilmoqda. Tergovning borishi ustidan viloyat prokurori tomonidan alohida nazorat o‘rnatilgan.
Izoh (0)