Yoz mavsumida O‘zbekistonga sayyohlar oqimi ikki baravar oshdi
Bu yil yozda O‘zbekistonga sayyohlar oqimi sezilarli darajada oshdi. Aviasales tadqiqotiga ko‘ra, joriy yilda xorijliklar O‘zbekistonga o‘tgan yilning shu davriga nisbatan 2,4 barobar ko‘p chiptalarni qidirib, bron qilgan.
Mamlakatga ko‘pchilik Rossiya, Janubiy Koreya, Turkiya, Qozog‘iston, Belarus va AQSHdan keladi.
O‘tgan yozga nisbatan rossiyaliklar o‘rtasida chiptalarga bo‘lgan talab 141 foizga, koreyslar orasida 180 foizga, turklar orasida esa 144 foizga oshgan.
Qozog‘istonda O‘zbekistonga chiptalar 2021-yilning shu davriga nisbatan 46 foizga ko‘proq qidirildi. AQSHda ham talab ortib bormoqda. Bu yil amerikaliklar O‘zbekistonga chiptalarni o‘tgan yilga nisbatan 60 foizga ko‘proq izlagan.
Chiptalar narxi sezilarli darajada oshganiga qaramay, rossiyaliklar qidiruvlar bo‘yicha ham, bron qilish soni bo‘yicha ham reytingda birinchi o‘rinda.
Ular O‘zbekistonga chipta qidirayotgan Rossiyaning yetakchi shaharlari orasida Vladivostok va Moskva bor. Vladivostok bu yil o‘z o‘rnini Sankt-Peterburgga bo‘shatib berdi.
Reytingdagi boshqa mamlakatlarga kelsak, amerikaliklar chiptalarni asosan Nyu-Yorkdan, turklar, qozog‘istonliklar, belaruslar va koreyslar esa poytaxtlardan chipta izlamoqda.
O‘zbekistonda kuzgi sayohatga qiziqish bo‘yicha yetakchi davlatlar qatoriga Rossiya, Janubiy Koreya, Turkiya, Qozog‘iston, Belarus, Germaniya va Isroil kiradi.
