O‘zbekistondagi “Barkamol avlod” bolalar maktablari xodimlari va to‘garak rahbarlarining ish haqlari bosqichma-bosqich oshiriladi. Bu haqda “Maktabdan tashqari ta’lim tizimini rivojlantirish dasturini amalga oshirish chora-tadbirlari to‘g‘risida”gi prezident qarori loyihasida belgilab qo‘yilmoqda.
Qaror loyihasiga ko‘ra, Qoraqalpog‘iston Vazirlar Kengashi, viloyatlar va Toshkent shahar hokimliklari, Xalq ta’limi vazirligiga 2023-yil 1-yanvardan boshlab mahalliy budjet mablag‘lari hisobidan xalqaro tadbirlarda g‘olib bo‘lgan “Barkamol avlod” bolalar maktablariga to‘garak a’zolarini rag‘batlantirish tizimini yo‘lga qo‘yish vazifasi topshirildi.
Bunda, xalqaro tadbirlar g‘oliblari va ularning o‘qituvchilari BHMning quyidagi miqdorlarida bir martalik pul mukofotlari bilan taqdirlanadi:
- 1-o‘rin (oltin medal) uchun — 15 (4,5 million so‘m), o‘qituvchisiga — 12 baravari (2,5 million so‘m);
- 2-o‘rin (kumush medal) uchun — 10 (3 million so‘m), o‘qituvchisiga — 8 baravari (2,4 million so‘m);
- 3-o‘rin (bronza medal) uchun — 8 (2,4 million so‘m), o‘qituvchisiga — 6 (1,6 million so‘m) baravari;
- laureat uchun — 6 (1,6 million so‘m), o‘qituvchisiga — 4 baravari (1,2 million so‘m).
Shuningdek, 2027-yildan boshlab o‘quvchilar soni ko‘p bo‘lgan tuman (shahar)larda talabdan kelib chiqqan holda qo‘shimcha “Barkamol avlod” bolalar maktablarini tashkil etish rejalashtirilgan.
Izoh (0)