Yorqin ko‘rinishga ega ushbu salat inson organizmiga foydali bo‘lgan sabzavotlardan tayyorlanadi. “Svetofor” salatiga o‘zingiz yoqtirgan ko‘katlarni qo‘shishingiz mumkin.
Kerakli masalliqlar:
- baqlajon — 1 dona
- piyoz — 1 dona
- ko‘k piyoz — ta’bga ko‘ra
- bulg‘or qalampiri — 3 dona
- sarimsoq — donacha
- soya qaylasi — 2 qoshiq
- kungaboqar yog‘i — 6 qoshiq
- olmali sirka kislotasi — 1 qoshiq
- kunjut — 1 qoshiq
- tuz — ta’bga ko‘ra
- shakar upasi — ta’bga ko‘ra
- kraxmal — 1 qoshiq
Barcha sabzavotlarni yuving. Baqlajonni “zebra” ko‘rinishida tozalang va uchburchak shaklida kesing. Uni kraxmal soling.
Piyoz va bulg‘or qalampirini tozalang. Fotosuratda ko‘rsatilganidek, hamma sabzavotlarni uchburchak shaklida kesib oling. Sariq, yashil, qizil rangdagi bulg‘or qalampirini tanlang.
Baqlajon, piyoz va bulg‘or qalampirini tovada alohida qilib qovuring(yumshoq holatga kelguniga qadar), har biriga bir osh qoshiq kungaboqar yog‘ini quying. Ko‘k piyoz, sarimsoqni maydalang. Alohida idishda bir osh qoshiq kungaboqar yog‘i, soya qaylasi, tuz, shakar, olmali sirka kislotasi va kunjutni aralashtiring. Piyoz, bulg‘or qalampiri va sarimsoqqa sous qo‘shing. Oxirida qovurilgan baqlajonni qo‘shib aralashtiring.
Yoqimli ishtaha!
Mavzuga doir:
- Pomidor, baqlajon va sarimsoqdan tayyorlanadigan vitaminga boy salat retsepti.
- Qovoqcha, pomidor va tuxum qo‘shib tayyorlanadigan xushta’m salat retsepti.
- Baqlajon, mol go'shti va pomidor qo’shib tayyorlanadigan mazali salat retsepti.
- Tovuq go‘shti va brinza qo‘shib tayyorlanadigan hazmi yengil salat retsepti.
Izoh (0)