Toshkent viloyati, Qibray tumanidagi hovli kimoshdi savdosida sotildi. Ma’lumotlar “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Olmazor tumani MIB tomonidan joylashtirilgan edi. 2013-yilda qurilgan uy 10 xonadan iborat.
Yer uchastkasining umumiy maydoni — 0,12 gektar. Binoning maydoni — 120 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi 740 mln so‘m edi. 8-avgust kuni bo‘lib o‘tgan savdoda 725 mln so‘m yagona narx taklif qilindi va hovli sotildi.
Kimoshdi savdosi g‘olibi sifatida Dilafruz Ikramova ko‘rsatilgan.
Avvalroq Toshkent viloyatidagi “Piramida” dam olish maskani 208 mlrd so‘mga sotilgan edi.
Izoh (0)