Joriy yilning ikkinchi choragida Rossiyaga ishlash uchun 3,12 millionga yaqin muhojir borgan, bu o‘tgan yilga nisbatan rekord ko‘rsatkichdir. Eng ko‘p migrantlar O‘zbekistondan. Bu haqda “Kommersant” xabar bermoqda.
Rossiyaga eng ko‘p migrantlar O‘zbekiston (49,6 foiz) va Tojikistondan (30,5 foiz) boradi. Ularning 40 foizga yaqini Moskva va Moskva viloyatida qolmoqda.
Hozirda mamlakatdagi o‘zbekistonlik migrantlar soni 1,5 milliondan oshgan.
Shuningdek, Qirg‘iziston, Armaniston, Ozarbayjon, Belarus, Qozog‘iston, Xitoy, Ukraina hamda Moldovadan ham tashrif buyurgan mehnat muhojirlari soni ortgan.
Jumladan, yil boshidan buyon Sibirga ishlash maqsadida 222 mingdan ortiq muhojir borgan. 2021-yilning shu davrida ularning soni qariyb 169,3 mingtani tashkil etgan.
Bu davrda Oltoy Respublikasiga ishlash uchun borgangan xorijliklar soni qariyb uch barobar oshgan — 4,5 ming kishigacha. Krasnoyarsk o‘lkasida ularning soni 1,3 baravar ko‘paygan — 50,5 ming kishigacha.
Irkutsk viloyatida 75,2 ming muhojir, Novosibirsk viloyatida 41,7 ming muhojir ro‘yxatga olingan.
O‘zbekistondan mehnat muhojirlari oqimi ayniqsa sezilarli darajada oshgan – 2021-yilning ikkinchi choragiga nisbatan 36,9 foizga o‘sish. Ular Tojikistondan tashrif buyuruvchilardan deyarli qolishmaydi, — deyiladi xabarda.
Avvalroq Moskvada qancha o‘zbekistonlik taksichilik qilayotgani ma’lum bo‘lgandi.