Davlat test markazi 2022/2023-o‘quv yili qabulida oliy ta’lim muassasalarining bakalavriat ta’lim yo‘nalishlari uchun test sinovlari o‘tkaziladigan bino, stadion va xiyobonlar bo‘yicha ma’lumotlarni e’lon qildi.
Unda quyidagi ma’lumotlar aks etgan:
- test sinovi o‘tkaziladigan hududning rasmi;
- hududga kirish joylari;
- test sinovi o‘tkaziladigan joy nomi;
- test sinovi o‘tkaziladigan joy manzili;
- sektor raqami;
- test sinovi o‘tkaziladigan guruhlar;
- joylarning google xaritadagi geolokatsiyasi.
Eslatib o‘tamiz, DTM 2022/2023-o‘quv yili uchun oliy ta’lim muassasalariga kirish test sinovlarini o‘tkazish uchun 58 ta stadion va xiyobon tayyorlanayotganini ma’lum qilgandi. Kirish test sinovlari 8-avgustdan boshlanadi va kuniga ikki smenada o‘tkaziladi:
- 1-smenada 07:00 dan 10:00 ga qadar;
- 2-smenada 19:00 dan 22:00 ga qadar.
Test sinovlarining ochiq va shaffof o‘tishini ta’minlash maqsadida xalq ta’limi va oliy ta’lim muassasalarining 3 500 nafarga yaqin rahbar va pedagog kadrlari guruh nazoratchilari sifatida jalb etish rejalashtirilgan.
Izoh (0)