Yaponiyadagi oltita prefekturaning 107 mingdan ortiq aholisi yog‘ingarchilik, suv toshqini va ko‘chki xavfi tufayli evakuatsiya bo‘yicha bildirishnoma olgan. Bu haqda o‘t o‘chirish xizmatlari ma’lumotlariga tayanib, “Gazeta.ru” nashri xabar bermoqda.
Niigata prefekturasida 19 013 kishiga “o‘z hayotini saqlab qolish choralarini ko‘rish” buyurilgan bo‘lsa, Aomori, Ivate, Yamagata, Fukusima, Niigata va Ishikava prefekturalarida 88 626 kishi “imkoniyat bo‘lganda xavfsiz joyga evakuatsiya qilish”ga chaqirilgan.
Qayd etilishicha, Yaponiyadagi Xonsyu orolining shimoli-g‘arbiy va shimoli-sharqida kuchli jala davom etmoqda, ayrim joylarda yog‘ingarchilik tezligi soatiga 161 millimetrga yetadi.
Bundan tashqari, ko‘chki tufayli ayrim yo‘llar yopilgan, Fukusima prefekturasining Kitakata shahrida temir yo‘l ko‘prigi qulagan.
Yamagata prefekturasi hukumati rasmiylardan noqulay ob-havo oqibatlarini bartaraf etish uchun mintaqaga o‘zini o‘zi mudofaa qilish kuchlarini yuborishni so‘radi.
Iyul oyi o‘rtalarida Yaponiya shimoli-sharqidagi Senday shahrining 200 mingdan ortiq aholisiga kuchli yomg‘irlar va ko‘chkilar xavfi tufayli evakuatsiya qilish haqida xabar berilgan edi.
Mavzuga doir: Kaliforniyada o‘rmon yong‘inlari sabab minglab aholi evakuatsiya qilindi (foto)
Izoh (0)