Toshkent Botanika bog‘i faoliyati o‘qishga qabul qilish uchun test sinovlari o‘tkazilishi munosabati bilan vaqtinchalik to‘xtatildi. Bu haqda O‘zbekiston Respublikasi Fanlar akademiyasi matbuot xizmati xabar berdi.
2022—2023-o‘quv yilida oliy ta’lim muassasalariga o‘qishga qabul qilish uchun test sinovlariga tayyorgarlik ko‘rilishi va uning o‘tkazilishi munosabati bilan ushbu bog‘ 5-avgustdan 20-avgustga qadar tashrif buyuruvchilar uchun o‘z faoliyatini to‘xtatadi.
DMT bergan ma’lumotga ko‘ra, bu yilgi test sinovlari 8-avgustdan boshlanishi rejalashtirilmoqda. Test sinovlarini o‘tkazish uchun 58 ta stadion va xiyobon tayyorlanmoqda.
Izoh (0)