PMTI ekspertlari internet va mobil aloqaning rivojlanishi ishsizlik darajasiga qanday ta’sir etayotganini hisobladi.
Tadqiqot natijalariga ko‘ra, quyidagilar aniqlandi:
- optik tolali internet uzunligining 100 km ga oshishi ishsizlikning 0,04 foiz punktiga qisqarishida yordam beradi.
- internet foydalanuvchilari sonining 1 foiz punktiga ortishi ishsizlikni 0,02 fozi punktiga kamaytiradi.
- 100 ta yangi uyali aloqa baza stansiyasining qurilishi ishsizlik darajasini 0,05 foiz punktiga kamaytirish imkonini beradi.
Ishsizlik ijtimoiy tengsizlik muammosini yanada kuchaytiradi. O‘sib borayotgan ishsizlik darajasi Argentina, Yevropa Ittifoqi, Indoneziya, Yaqin Sharq va Shimoliy Afrikada tengsizlikning kuchayishiga sabab bo‘ldi.
AKT, xususan, yuqori tezlikdagi internet va mobil aloqaning rivojlanishi qo‘shimcha ish o‘rinlarini yaratish uchun yangi imkoniyatlarni ochmoqda.
Masalan, rivojlangan mamlakatlar tajribasi shuni ko‘rsatadiki, mobil telefon ilovalari kichik va o‘rtacha kattalikdagi korxonalar uchun yangi imkoniyatlar yaratadi.
AKT bo‘yicha katta bilim va tajribasi bor odamlar ko‘proq imkoniyatga ega va shuning uchun ishsiz qolish ehtimoli kamroq.
Bundan tashqari, AKT ko‘nikmalari ishsizlarning maosh miqdori o‘rtacha va yuqori bo‘lgan raqamli kasblarga o‘tishida yordam beradi.
O‘zbekistonda AKTning rivojlanishi ishsizlikning qisqarishiga kuchli ta’sir qilmasligini asosan ikki omil bilan izohlash mumkin:
- yuqori tezlikdagi internet asosan yirik shaharlarda mavjud va olis aholi punktlarini butunlay qamrab olmaydi.
- raqamli makonda pul ishlash imkonini beruvchi kompyuter texnologiyalaridan foydalanish bo‘yicha ko‘nikmalarning yetarli darajada emasligi.
Avvalroq o‘zbekistonlik mehnat muhojirlari uchun eng yaxshi yo‘nalishlar ma’lum qilingandi.
Izoh (0)