Qozog‘istonda Kurchatov shahri yaqinida, Irtish daryosida atom elektr stansiyasi qurilishi ehtimoli muhokama qilinmoqda. Bu haqda energetika vaziri o‘rinbosari Jandos Nurmaganbetov ma’lum qildi, deb yozadi Tengrinews.
Vazir o‘rinbosari qayd etishicha, mamlakatda AES joylashuvi uchun istiqbolli maydonlar Balxash ko‘li va Irtish daryosi hisoblanadi.
“Balxash ko‘li — Qozog‘istondagi birinchi atom stansiyasi joylashadigan joy. Agar Qozog‘iston uglerod neytralligi yo‘lini qabul qilsa, bir nechta stansiyalarni qurishdan boshqa yechim yo‘q. Irtish — shubhasiz istiqbolli maydon. Birinchi stansiya qurilishining muvaffaqiyatli tarzda boshlanishi bilan shunday savol yuzaga keladi: Qozog‘istonda nechta atom stansiyasi bo‘ladi? Bu masalada tegishli muhokamalar olib borilmoqda. O‘ylashimcha, Qozog‘istondagi ikkinchi atom stansiyasi Irtishda, Kurchatov shahri hududida paydo bo‘lishi ehtimoldan yiroq emas… Shu yil oxiri — kelasi yil boshida biz tegishli axborotni kiritamiz”, — dedi Jandos Nurmaganbetov matbuot anjumanida.
Avvalroq Qozog‘istonda birinchi atom elektr stansiyasi 2035-yilda ishga tushirilishi mumkinligi ma’lum qilingan edi.
Izoh (0)