Namanganda “Moskvich” temir ustunga borib urildi

Ijtimoiy tarmoqlarda tarqalgan YTH yuzasidan Namangan viloyati IIB JXX YHXBning rasmiy ma’lumot berdi.

Namangan shahar Uychi ko‘chasidan harakatlanib ketayotgan M-412 rusumli avtomashina haydovchisi harakat xavfsizligini ta’minlay olmay yo‘lning o‘rtasidagi temir ustunga borib urilishi natijasida avtomashina ag‘darilib ketgan.

Hodisa oqibatida avtomashina texnik shikastlangan. Haydovchi hamda uning yonidagi yo‘lovchi tan jarohati bilan shifoxonaga yotqizilgan.