Xorazm viloyati Urganch shahridagi bozorda sotilayotgan iste’molga yaroqsiz go‘sht mahsulotlari yo‘q qilindi. Bu haqda Jamoat xavfsizligi departamenti xabar bermoqda.

Xorazm viloyatida karantin tadbirlarini ta’minlash bo‘linmasi hamda veterinariya va chorvachilikni rivojlantirish bo‘limi xodimlari bilan hamkorlikda aholi orasida sanitariya epidemiologik hamda yuqumli kasalliklar tarqalishining oldini olish hamda go‘sht, sut va boshqa oziq-ovqat mahsulotlarining sotilishida veterinariya-sanitariya qoidalariga rioya qilinishi yuzasidan bozorlarda nazorat reyd tadbirlari olib borilgan.

Natijasida Urganch tumanida yashovchi, 1989-yilda tug‘ilgan fuqaro X.X.ga tegishli bo‘lgan, veterinariya-sanitariya talablariga zid ravishda hech qanday hujjatlarsiz sotilayotgan jami 110 kilogramm og‘irlikdagi iste’molga yaroqsiz go‘sht mahsulotlari sotilishining oldi olinib, qonunbuzar fuqaroga nisbatan ma’muriy bayonnoma rasmiylashtirilgan.