Tom Kruz uzoq vaqtdan beri Gollivuddagi eng ko‘p haq to‘lanadigan aktyorlar ro‘yxatida yuqori o‘rinni olib keladi. Kino olamidagi faoliyati davomida u nafaqat qiyin tryuklarni bajarishni, balki undan yaxshi mablag‘ topishni ham o‘rgandi. Aktyor bu holatga kelgunga qadar mashaqqatli yillarni boshdan kechirgan.
Aktyor “Top Gan: Meverik” filmidagi roli orqali 100 million dollar gonorar oldi (gonorar 200 million dollarga yetishi kutilmoqda) va Gollivuddagi eng ko‘p haq to‘lanadigan aktyorlar orasida yuqori o‘rinni egalladi. Tom Kruz daromadining siri shundaki, u nafaqat gonorar, filmdan tushgan foydaning foizini ham oladi. Aktyorning bu filmdagi gonorar narxi 13 million dollar deb baholangan edi, biroq film kutilmaganda katta foyda keltirdi, u esa yana qo‘shimcha mablag‘ni qo‘lga kiritdi.
Tom Kruz bu sxemadan birinchi marotaba foydalanayotgani yo‘q. U Stiven Spilbergning “Olamlar jangi” filmidagi roli orqali o‘zining eng yuqori daromadini qo‘lga kiritdi. Bu rol Kruzga birinchi marta kassadagi foizlar bilan birga 100 million dollar foyda keltirdi. “Top Gan: Meverik” filmi yilning eng ko‘p daromad keltirgan filmi bo‘ldi va hatto Marvel’ning “Doktor Strenj: Aqlsiz multiolam” kinokartinasidan ham o‘zib ketdi. Tom Kruz ishtirokidagi film 18-mayda katta ekranlarga chiqdi va shundan keyin 1 milliard dollardan ko‘proq daromad keltirdi. Kinokartina ijodkorlari AQShdagi prokatlardan 650 million dollar va butun dunyo bo‘ylab 671 million dollar foyda oldi.
Mavzuga doir:
- Gollivudning eng ko‘p haq to‘lanadigan aktyor va aktrisalari ro‘yxati e’lon qilindi (foto)
- Jorj Kluni, Tom Kruz, Kayli Jenner va boshqa mashhurlarning eng hashamatli uylari (foto)
- Mila Kunis, Keyt Middlton, Tom Kruz : muxlislari bilan oila qurgan mashhurlar (foto)
- Tom Kruz “Uddalab bo‘lmas topshiriq” filmini suratga olish jamoasiga 300 dona tort yubordi
- Tom Kruzning “Uddalab bo‘lmas topshiriq-8”ni suratga olish maydonchasidagi suratlari tarqaldi. Aktyorning semirib ketgani muxlislar e’tiroziga sabab bo‘ldi
Izoh (0)