Test sinovlarini o‘tkazish uchun 58 ta stadion va xiyobon tayyorlanmoqda — DTM

Davlat test markazi test sinovlari o‘tkaziladigan joylar va ularga jalb qilinadigan pedagoglar haqida ma’lumot berdi.

Qayd etilishicha, test sinovlarini o‘tkazish uchun 58 ta stadion va xiyobon tayyorlanmoqda. Bunda:

• 1 smenada 1 614 ta guruhda 48 420 nafar;
• 1 kunda (2 smenada) 3 228 ta guruhda 96 840 nafar abituriyent test sinovida ishtirok etadi.

Test sinovlarining ochiq va shaffof o‘tishini ta’minlash maqsadida xalq ta’limi va oliy ta’lim muassasalarining 3 500 nafarga yaqin rahbar va pedagog kadrlari guruh nazoratchilari sifatida jalb etish rejalashtirilgan.