Hindistonda maymunchechak uchun topshirgan testi musbat chiqqan yigit kasalxonada vafot etdi. Bu haqda Hindistonning Kerala shtati sog‘liqni saqlash departamenti rahbari Vina Jorj ma’lum qildi, deb yozmoqda The Indian Express.
Uning so‘zlariga ko‘ra, Kerala shtatining Trissur shahridan bo‘lgan 22 yoshli yigit 22-iyul kuni Birlashgan Arab Amirliklaridan qaytganidan bir necha kun o‘tib, xususiy shifoxonada vafot etgan. Bemorda virus u xorijda payti aniqlangan, biroq uning oila a’zolari test natijalarini 30-iyulga kelibgina Hindiston kasalxonasiga topshirgan.
“U ensefalit belgilari bilan kasalxonaga yotqizildi. Uning qarindoshlari shanba kuniga kelibgina test natijasini topshirdi. O‘lim holati bo‘yicha tergov o‘tkaziladi”, — dedi Jorj.
Nashrning ta’kidlashicha, yigitning dafn marosimi maymunchechak qurbonlari protokoliga muvofiq bo‘lib o‘tgan. Bundan tashqari, so‘nggi kunlarda u bilan aloqada bo‘lgan barcha shaxslar mutaxassislarning qattiq nazoratiga olingan.
Izoh (0)