Davlat grantida o‘qigan talabalarga kamida 3 yil ishlab berish majburiyatini bekor qilish masalasi ko‘rib chiqilmayapti – vazirlik

Ijtimoiy tarmoqlarda davlat grantida tahsil olgan talabalar uchun mutaxassisligi bo‘yicha kamida uch yil ishlab berish majburiyatini bekor qilish masalasi ko‘rib chiqilayotgani haqida xabar tarqaldi.

“Daryo” muxbiri Oliy va o‘rta maxsus ta’lim vazirligi bilan bog‘lanib, mazkur masala yuzasidan izoh oldi. Vazirlik axborot xizmatining ma’lum qilishicha, mas’ullarning bunday hujjatdan xabari yo‘q.

Eslatib o‘tamiz, 2005/2006-o‘quv yilidan boshlab O‘zbekistondagi barcha ta’lim yo‘nalishlari bo‘yicha davlat grantlari asosida tahsil olgan oliy ta’lim muassasalari bitiruvchilarini majburiy tartibda kamida uch yil ishlab berish sharti bilan ta’lim muassasalariga, korxona va tashkilotlarga ishga taqsimlash amaliyoti joriy etilgan.