O‘zbekistonlik hujumchi Eldor Shomurodov “Roma” safini tark etishga yaqin turibdi.
Janluka di Marsioga ko‘ra, o‘zbekistonlikka “Bolonya”dan qiziqish bor. Jamoa Eldorni ijaraga olmoqchi. Il Tempo ham mazkur kelishuv yaqin orada rasmiylashtirilishi haqida aytmoqda.
La Gazzetta dello Sport nashrining yozishicha, Shomurodovning “Bolonya”ga yo‘l olishi hali aniq bo‘lmagan. Qiziqish borligiga qaramay, bolonyaliklar uchun Eldor asosiy nishon emas. Bundan tashqari 27 yoshli futbolchi ham bu variantga rozi bo‘lganicha yo‘q.
Avvalroq “Roma” Shomurodovni transfer qilish istagida ekani va shu sabab “Tottenhem”ga qarshi o‘yin uchun olib ketmagani ma’lum bo‘lgandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Mavzuga doir: Silvio Berluskoniga tegishli klub Eldor Shomurodovga xaridor
Izoh (0)