Namanganda davlat xizmatlari ko‘rsatishda 6,5 mingdan ortiq qonunbuzilish holatlariga yo‘l qo‘yilgani aniqlandi

Namanganda adliya idoralari tomonidan joriy yilning 7 oyi mobaynida 6,5 mingdan ortiq qonunbuzilish holati aniqlandi. Bu haqda viloyat adliya boshqarmasi boshlig‘ining o‘rinbosari Davronbek Ravshanbekov ma’lum qildi, deya xabar beradi “Daryo” muxbiri Azizbek Abduvaliyev.

Aniqlangan qonunbuzilish holatlarining 5497 tasi muddat buzilishi, 342 tasi bevosita davlat idoralarida xizmatlar ko‘rsatilishi, 526 tasi ortiqcha hujjatlar talab qilinishi, 111 tasi murojaatlarning asossiz rad etilishiga to‘g‘ri keladi.

“Qonunbuzilish holatlari korxona va tashkilotlar kesimida tahlil qilinganida ularning aksariyati gaz, suv va elektr korxonalari, kadastr, hokimlik, soliq va ijtimoiy ta’minot idoralariga to‘g‘ri kelishi ma’lum bo‘ldi”, — deydi Davronbek Ravshanbekov.

Qayd etilishicha, aniqlangan qonunbuzilish holatlari yuzasidan vakolatli organlarga 33 ta taqdimnoma, 171 ta ogohnoma kiritilgan. Ularga asosan 31 nafar mansabdor shaxsga nisbatan intizomiy javobgarlik choralari qo‘llangan, ikki nafar mas’ul xodim bilan tuzilgan mehnat shartnomasi bekor qilingan.

Mavzuga doir:

• Toshkent shahar adliya boshqarmasi tomonidan 83 ta xodimga 656 mln so‘m homiladorlik va tug‘ish nafaqalari undirib berildi
• Buxoro hokimi yer bilan bog‘liq qonunbuzilishlar haqida xabar bergan shaxslarni rag‘batlantirishini bildirdi