AQSH iqtisodiyotining o‘sish prognozi yana pasaytirildi

S&P xalqaro reyting agentligi AQSH iqtisodiyotining joriy va kelasi yildagi o‘sishi bo‘yicha prognozini yana bir bor pasaytirdi.

Agar may oyida agentlik 2022-yil AQSH iqtisodiyotining o‘sishi 3,2 foizdan 2,4 foizga, 2023-yilda esa 2,1 foizdan 2 foizga qisqarishini bashorat qilgan bo‘lsa, 20-iyun kuni e’lon qilingan hisobotda bu ko‘rsatkich 2022-yilda 2 foiz va 2023-yilda 1,6 foiz etib ko‘rsatilgan. 

Agentlik prognozlarning o‘zgarishini uy-joy narxlarining o‘sishda davom etishi va AQSH Federal rezerv tizimining pul-kredit siyosatini keskinlashtirishi bilan izohladi.

AQSHda ipoteka kreditlari arzonlashib bormoqda va endi uy xo‘jaliklari pandemiyagacha bo‘lgan vaqtdan ikki baravar ko‘proq dastlabki to‘lov uchun jamg‘arishlari kerak bo‘ladi. 

Agar dastlabki to‘lov uy-joy narxining 10 foizini tashkil etsa, S&P ma’lumotlariga ko‘ra, buning uchun 11 yil kerak bo‘ladi, agar dastlabki to‘lov 20 foiz bo‘lsa, 22,6 yil. 

Uy sotib olish shartlari keyingi ikki yilda sezilarli darajada yomonlashishi kutilmoqda.