“Mehr va Oqibat” hayvonlarni muhofaza qilish jamiyati direktori nomiga Nukusdagi hayvonlarga boshpana berish xizmatida boqilayotgan it va mushuklarni ovqatlantirish uchun kelgan ko‘ngillilar tomonidan jamoaviy ariza berilgan.
Ularning aytishicha, 22–23-iyun kunlari hududdan 150 ga yaqin it g‘oyib bo‘lgan. Boshpana berish xodimlari itlar shahar tashqarisiga qo‘yib yuborilganini aytgan.
Biroq 7-iyul kuni Nukus shahri yaqinidagi poligonda 100 dan ortiq it va mushuklarning jasadi topilgan. Hayvonlar shafqatsizlarcha o‘ldirilgan. Ularning tumshug‘i va panjalari sim bilan bog‘langan, tanalarida ko‘plab yaralar qolgan.
“Mehr va Oqibat” tashkiloti rahbariyati ushbu holatni o‘rganib, aybdorlarni topib, qonunga muvofiq jazolashni so‘rab O‘zbekiston Respublikasi Ichki ishlar va Qoraqalpog‘iston Respublikasi Ichki ishlar vazirliklari hamda prokuraturaga murojaat qilgan.
Izoh (0)