Saudiya Arabistoni jahon neft bozorida muvozanatni saqlashga va’da berdi

Saudiya Arabistoni jahon iqtisodiyotining rivojlanishini qo‘llab-quvvatlash maqsadida global neft bozorda muvozanatni saqlash majburiyatini oldi. Bu haqda “Interfaks” xabar bermoqda.

Ta’kidlanishicha, mamlakat iyul va avgust oylarida neft ishlab chiqarish darajasini rejalashtirilganiga nisbatan 50 foizga oshirmoqchi.

Kelgusi haftalarda boshlanishi kutilayotgan ushbu harakat bozorlarni sezilarli darajada barqarorlashtirishga yordam berdi, — deyiladi Oq uy hisobotida.

AQSH prezidenti Jo Bayden Saudiya Arabistoni yetakchilari bilan global energiya xavfsizligi va iqtisodiy o‘sishni qo‘llab-quvvatlash uchun mustahkam neft ta’minoti mexanizmlari bo‘yicha ijobiy muzokara o‘tkazganini bildirdi.

Shuningdek, prezident AQSHga neft yetkazib berish hajmini oshirish uchun jadal harakat qilmoqda.

Avvalroq Saudiya Arabistoni avgustda Osiyo mamlakatlari uchun barcha turdagi neft narxini oshirishi haqida xabar berilgandi.

Ma'lumotlarga ko‘ra, AQSHga eksport qilinadigan neft narxi avgust oyida ham iyul oyidagi darajasida qoladi.