Avval FVV xabar berganidek, 16-iyul Qozog‘iston Respublikasi Qarag‘anda viloyati Shetskiy tumanida MAN yuk mashinasi va Mercedes-Benz Sprinter yo‘lovchi mikroavtobusi to‘qnashishi oqibatida yo‘l-transport hodisasi sodir bo‘lgan edi.
O‘rganish natijalariga ko‘ra, Mercedes-Benz Sprinter mikroavtobus salonida bo‘lgan 18 nafar yo‘lovchidan 8 nafari Qozog‘iston fuqarolari voqea joyida vafot etgan, halok bo‘lgan fuqarolarning shaxsiga aniqliklar kiritilganida ular orasida O‘zbekiston fuqarolari yo‘q ekanligi aniqlandi.
Shuningdek, 10 nafari turli darajalarda tan jarohati olgan, ularning 5 nafari O‘zbekiston fuqarolari bo‘lib, ayni vaqtda ularga Aksu-Ayuli qishloq kasalxonasida malakali tibbiy xizmat ko‘rsatilmoqda. Ulardan 1 nafariga ambulator davolanish uchun ruxsat berilgan.
Avvalgi berilgan birlamchi shoshilinch xabarda 2 nafar O‘zbekiston fuqarosi halok bo‘lganligi aytilgan edi. Qozog‘iston mas’ul xizmatlari tomonidan mukammal o‘rganilib, fuqarolarning shaxsiga aniqliklar kiritilganda halok bo‘lganlar orasida O‘zbekiston fuqarolari yo‘qligi ma’lum bo‘ldi.
Izoh (0)