Timati va Pinskiy Rossiyadagi Starbucks’ning yangi egasiga aylanishi ma’lum qilindi

Amerikaning Starbucks qahvaxonalar tarmog‘ining Rossiyadagi yangi egalari ma’lum qilindi. Bu haqda Forbes xabar bermoqda.

Unga ko‘ra, Starbucks’ning yangi egalari restorator Anton Pinskiy, Timur Yunusov (Timati) va senator Arsen Kanokovning Sindika kompaniyasi bo‘ladi.

Restoran investori Aleksandr Sysoyev birinchi bo‘lib o‘zining Telegram-kanalida qahvaxonalar egasi o‘zgarishi mumkinligi haqida yozdi.

Sysoyevning so‘zlariga ko‘ra, Pinskiy Starbucks’ning aksariyat qismini egallab oladi va o‘zining qahvaxonalar tarmog‘ini quradi.

Restoran sotuvi bo‘yicha bitim oy oxiri — 20-iyul kuni yakunlanishi kerak edi.

Bitim Starbucks’ning mahsulotlari va texnologiyalaridan foydalanish imkoniyatisiz qahvaxonalar hamda Pushkino Park savdo markazidagi binolarni ijaraga olish huquqini o‘z ichiga oladi.

Qahvaxonalar tarmog‘ining yangi egasi uni rebrend qilishga majbur bo‘ladi, — deyiladi xabarda.

Infoline-analytics bosh direktori Mixail Burmistrov Starbucks’ning Rossiya biznesini sotib olish bo‘yicha bitim miqdori sezilarli chegirma tufayli 700 million rubldan oshmasligini ta’kidladi.

Core.xp chakana savdo bo‘limi boshlig‘i Marina Malaxatko uni bitim tuzilishi va paketga qarab 1,6-3 milliard rubl oralig‘ida baholadi.

Mart oyida Starbucks o‘z mahsulotlarini Rossiyaga yetkazib berishni to‘xtatdi va qahvaxonalarni yopdi. 23-may kuni esa Rossiya bozorini tark etishga qaror qilganini e’lon qildi.

Kompaniya Rossiyada 15 yil faoliyat yuritgan. Hozirda mamlakat bo‘ylab 130 ta filialga ega.