Rossiya hukumati 2023-yilda milliy neft standartini yaratishni muhokama qilmoqda. Bu haqda Bloomberg xabar berdi.
Oktabr oyidan milliy platformada neft savdosi yo‘lga qo‘yilishi kutilmoqda.
Muhokamalar Rossiyaning asosiy vazirliklari, neft ishlab chiqaruvchilari va Markaziy banki tomonidan olib borilmoqda.
2023-yilning mart—iyul oylarida Rossiya etalon narxini belgilash uchun yetarli savdo hajmiga erishishda xorijiy hamkorlarni neft sotib olishga jalb qilish ustida ish olib boradi, — deyiladi xabarda.
Rejalar dastlabki bosqichda. Agentlik ma’lumotlariga ko‘ra, bu G‘arb davlatlarining Rossiya neft daromadlarini cheklash niyati bilan bog‘liq.
Endi tijorat neftining asosiy navlari Brent (Yevropa va Osiyo bozorlari), WTI (Amerika) va Dubai Crude (Osiyo) hisoblanadi.
AQSH, Kanada, Buyuk Britaniya avvalroq Ukrainadagi urushga javoban Rossiya neftiga embargo joriy qilgan, Yevropa Ittifoqi esa yaqin oylarda importni taqiqlamoqchi.
Hozir G‘arb davlatlari Rossiyaning energetika mahsulotlarini sotishdan tushadigan daromadini cheklash maqsadida Rossiya neftiga narx chegarasini joriy etish imkoniyatini muhokama qilmoqda.
Avvalroq Germaniya 1-avgustda Rossiyadan ko‘mir, 31-dekabrda neft sotib olishni to‘xtatishi haqida xabar berilgandi.
Izoh (0)