O‘zbekiston Rossiyadan eng ko‘p yog‘och import qilgan mamlakatlar ro‘yxatiga kirdi

O‘zbekiston va Xitoy Rossiyadan yog‘och import qilish bo‘yicha yetakchi davlatlar qatoriga kirdi. Bu haqda “Kommersant” xabar berdi.

Rossiyaning yog‘och eksporti yanvar—iyun oylarida 3,4 foizga o‘sdi — yilning birinchi yarmida xorijga 13,4 million kub metr mahsulot yetkazib berildi.

Jami eksportning qariyb yarmi Xitoyga tegishli. Mamlakat 6,5 million kub metrdan ortiq yog‘och xarid qilgan.

Ikkinchi o‘rinda O‘zbekiston — 976 ming kub metrdan ortiq mahsulot import qilgan.

Yevropa va AQSH, o‘z xaridlarini deyarli 7 foizga, ya’ni 3,8 million kub metrgacha qisqartirdi.

Singapur (650 ming kub metr) xaridlar bo‘yicha yetakchilardan biriga aylandi, u ilgari o‘nta yirik importchilar qatoriga ham kirmagan edi.

Roslesinforg rahbari Pavel Chashchin xabar berganidek, so‘nggi olti oy ichida Rossiya yog‘och mahsulotlari eksporti asosan Xitoy va O‘zbekistonga yetkazib berish hisobiga 10 foizga o‘sgan.

Ammo ekspertlar bu ijobiy dinamika iyul oyidayoq tugashini prognoz qilmoqda.

Bu 10-iyuldan boshlab Rossiya yog‘ochlari va uni qayta ishlashning asosiy mahsulotlari importiga sanksiya kuchga kirganligi bilan bog‘liq.

Avvalroq Belarus O‘zbekistonga yog‘och uylar yetkazib berish ustida ishlayotgani haqida xabar berilgandi.