Baqlajon, pomidor va mol go‘shti qo‘shib pishiriladigan xushta’m taom retsepti

Lifehacker nashri taqdim etgan ushbu retseptga ko‘ra, sabzavotlar hamda pomidor mol go‘shtini yumshoq bo‘lib pishishini ta’minlaydi. Rayhon hamda ziravorlar esa taomga o‘zgacha ta’m bag‘ishlaydi.

Kerakli mahsulotlar:

• piyoz — 1 dona;
• mol go‘shti — 350 gramm;
• o‘simlik moyi — 1-2 osh qoshiq;
• baqlajon — 1 dona;
• pomidor — 2 dona;
• bulg‘ori qalapmiri — 2 dona;
• sarimsoq — 2 bo‘lak;
• suv — 200 ml;
• tomat pastasi — 1 osh qoshiq;
• rayhon, tuz va ziravorlar.

1. Piyoz dumaloq, go‘sht esa mayda to‘g‘raladi.
2. Piyoz yog‘da 4-5 daqiqa davomida qovuriladi.
3. Ustidan mol go‘shti solinib, taxminan 40 daqiqa davomida usti yopiq holda past olovda pishiriladi.
4. Pishishidan 5-10 daqiqa oldin tuz va murch sepiladi.
5. Ungacha baqlajon mayda to‘rtburchak shaklda to‘g‘ralib, 20 daqiqaga tuzli suvga solinadi.
6. So‘ngra yaxshilab yuvilib, salfetka ustiga yoyib chiqiladi.
7. Pomidor, bulg‘ori qalampiri, sarimsoq va piyozning qolgan qismi mayda to‘g‘raladi. Sabzavot, tuz, murch, rayhon va ziravorlar solinadi.
8. Sabzavotlar va pishirilgan go‘sht bir idishga solinib, yaxshilab aralashtiriladi.
9. Tomat pastasi bilan birgalikda suv quyiladi.
10. Idish qopqog‘i yopiladi.
11. Taxminan 40-45 daqiqa davomida 200 daraja pechda pishiriladi.