“Arsenal” Gabriel Jezus bilan shartnoma imzolaganini e’lon qildi.
“Manchester Siti”ning sobiq hujumchisi “kanonirlar” bilan uzoq muddatli shartnoma imzoladi. Shartnoma muddati qachonga amal qilishi ochiqlanmagan.
Avvalroq “Arsenal” hujumchi uchun 45 million funt to‘lamoqchi ekanligi xabar qilingandi. Braziliyalik tibbiy ko‘rikdan muvaffaqiyatli o‘tgan.
Hujumchi London klubida 9-raqam ostida harakat qiladi.
Gabriel faoliyatini “Palmeyras” jamoasida boshlagan. Braziliyalik hujumchi 2016-yildan 2022-yilga qadar “Manchester Siti” sharafini himoya qilgan. “Shaharliklar” safida 236 ta o‘yinda ishtirok etib, 95 ta golga mualliflik qilgan.
Jezus 2021/22-yilgi mavsum APLda 28 ta o‘yinda maydonga tushib, 8 ta golga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)