Samarqand viloyati Ishtixon tumanida ikki erkak qo‘shni ayolni arqonga bog‘lab kaltakladi. Bu haqda “Millar” dasturida xabar berildi.
Ma’lum qilinishicha, 25-iyun kuni soat taxminan 23:00 da sodir bo‘lgan. O‘sha kuni ayol kechki payt ayol bog‘ga suv quyish uchun chiqqan va orqasidan kelayotgan oyoq ovozlarini eshitgan.
“Orqamga qarab, qo‘shnim turganini ko‘rdim va qo‘limdagi ketmonni tashlab qochmoqchi bo‘ldim. Shu payt bo‘ynimga arqon kelib tushdi. Kuyovi esa boshimga temirga o‘xshash buyum bilan urdi”, – deydi jabrlangan ayol.
Uning so‘zlariga ko‘ra, ikki oila o‘rtasida bir necha yillardan buyon davom etayotgan kelishmovchilik bo‘lgan. 2021-yilda erkak ayolning onasining boshini ham urib yorgan.
Hozirda holat yuzasidan Ishtixon tuman IIB tomonidan tergovga qadar tekshiruv harakatlari olib borilmoqda. Fuqaro tuman tibbiyot birlashmasida davolanmoqda.
Holat tuman sektor rahbarlari nazoratiga olingan.
Izoh (0)