Apple sirli iPhone 14 Plus’ni taqdim etadi. Ushbu smartfon haqida nimalar ma’lum?

Apple kompaniyasi Plus qo‘shimchasi bor iPhone modellarini yana ishlab chiqaradigan ko‘rinadi. Oxirgi marta bu kabi nomga 2017-tilda taqdim etilgan iPhone 8 Plus ega bo‘lgandi, deb xabar beradi Hi-Tech.Mail.ru.

Bundan oldin, insayderlar Apple lineykadagi eng kichkina telefon — iPhone mini’ni ishlab chiqarishni to‘xtatishini ma’lum qilgandi. Uning o‘rniga kompaniya ekran o‘lchami borasida iPhone 14 Pro Max’dan ortda qolmaydigan yangi qurilmani taqdim etadi. Biroq ko‘pchilik ushbu modelni iPhone 14 Max deb atab kelayotgandi, PhoneArena’ning yangi ma’lumotlariga ko‘ra, bu xato bo‘lishi mumkin.

Nashrning yozishicha, “Plus qo‘shimchasi 2022-yilgi iPhone uchun qayta tiriladi”. iPhone 14 Plus xuddi 14 Pro Max kabi 6,7 dyuymli ekranga ega bo‘ladi, biroq texnik tavsifi borasida ancha sodda — u iPhone 14 lineykasidagi bazaviy model imkoniyatlarini o‘zida mujassam etadi.

iPhone 14 haqida yana nimalar ma’lum?

• Odatdagi “qosh” o‘rniga Pro-modellarda i-qirqim paydo bo‘ladi;
• Pro modellarga 48 megapikselli asosiy kamera o‘rnatiladi;
• Katta ekranli yangi model iPhone mini’ning o‘rnini egallaydi;
• Tezkor xotirasi 6 gigabaytga qadar oshadi;
• Pro-model yangi Apple A16 protsessoriga ega bo‘ladi;
• Favqulodda vaziyatlarda sun’iy yo‘ldosh aloqasini qo‘llab-quvvatlash imkoniyati paydo bo‘ladi.

Internetda hozirda iPhone 14 seriyasining maketlari va himoya g‘iloflarining suratlari tarqalgan. Ularga ko‘ra, smartfonlarning asosiy kamera moduli o‘lchami kattaradi.