Ukraina tan olinmagan Dnestrbo‘yi Moldova Respublikasi tomonidan bunday xatti-harakatlarga “zarba” bilan javob qaytaradi, dedi Ukraina prezidenti Vladimir Zelenskiy Moldova yetakchisi Mayya Sandu bilan uchrashuvdan keyin.
“Dnestrbo‘yidagi bu odamlar bilib qo‘yishi kerak: biz uchun bu zarba emas, balki shapaloqdir. Biz esa aniq zarba bilan javob qilamiz”, — dedi Zelenskiy unda Dnestrbo‘yi tomonidan ehtimoliy zarba haqida ma’lumot bor-yo‘qligi haqida berilgan savolga javoban.
Davlat rahbari bunday harakatlar “global xato” bo‘lishini, va Kiyev bu borada “ko‘ngilsiz” signallar olayotganini aytdi.
Dnestrbo‘yi Rossiya harbiy operatsiya olib borayotgan Ukraina bilan chegaradoshdir. Tan olinmagan respublikada Dnestrbo‘yi ziddiyatining faol bosqichi tugagan vaqtdan buyon Rossiya tinchlikparvar kuchlari bo‘lib turibdi.
Aprel oxirida u yerda vaziyat keskinlashdi, radiotelemarkaz hududida portlashlar yuz berdi, Davlat xavfsizligi vazirligi binosi o‘qqa tutildi. Hukumat terrorchilik xavfining qizil darajasini kiritdi, may oxirida xavf darajasi sariqqacha tushirildi, u hozir ham amal qilmoqda. Iyun boshida Dnestrbo‘yi Tergov qo‘mitasi tinchlikparvar kuchlarning zaxira bo‘linmasi avtoparki hududiga dronlar ikkita granata tashlaganini, hech kim jabrlanmaganini ma’lum qildi.
Avvalroq Zelenskiyning ofisi rahbari Aleksey Arestovich Moldova Ukrainadan “Dnestrbo‘yini nazorat ostiga olishda” yordam so‘rashi mumkinligini, Ukraina qurolli kuchlari yordam berishini aytgandi. O‘shanda Moldova hukumati Dnestrbo‘yi masalasini faqat muzokaralar jarayoni orqaligina tartibga solish mumkinligini ta’kidlagandi.
Iyun boshrog‘ida Rossiyaning Yevroittifoqdagi doimiy vakili Vladimir Chijov Kiyev Dnestrbo‘yida front ochilishini istagan bo‘lardi, ammo voqealarning bunday rivoji “Moldovaning ajaliga aylanadi”, dedi. Uning so‘zlariga ko‘ra, ko‘pchilik Rossiyani tan olinmagan respublikani himoya qilishga undamoqda.
Izoh (0)