Transfermarkt portali Afrikaning ayni vaqtdagi eng qimmat o‘yinchilari reytingini e’lon qildi.
Unga ko‘ra, “Liverpul” hujumchisi Muhammad Saloh birinchi o‘rinni egallab turibdi. Misrlik futbolchining transfer qiymati 90 million yevroga teng.
Ro‘yxatda ikkinchi o‘rinni yaqinda “Liverpul”dan “Bavariya” safiga o‘tgan Sadio Mane egalladi. “Napoli” sharafini himoya qilayotgan Viktor Osimhen 65 million yevro bilan uchinchi pog‘onani band etgan.
“PSJ” himoyachisi Ashraf Hakimi (65 million) va “Lester” a’zosi Uilfred Ndidi (60 million) kuchli beshlikni yakunlab bergan.
Afrikaning eng qimmat o‘n futbolchisi:
Muhammad Saloh (“Liverpul”, Misr) — 90 million yevro;
Sadio Mane (“Bavariya”, Senegal) — 70 million yevro;
Viktor Osimhen (“Napoli”, Nigeriya) — 65 million yevro;
Ashraf Hakimi (“PSJ”, Marokash) — 65 million yevro;
Uilfred Ndidi (“Lester”, Nigeriya) — 60 million yevro;
Frank Kessie (“Milan”, Kot-d’Ivuar) — 45 million yevro;
Tomas Parti (“Arsenal”, Gana) — 38 million yevro;
Uilfred Zaha (“Kristal Pelas”, Kot-d’Ivuar) — 38 million yevro;
Edmond Tapsoba (“Bayer”, Burkina Faso) — 35 million yevro;
Iv Bissuma (“Brayton”, Mali) — 35 million yevro.
Avvalroq Osiyoning ayni vaqtdagi eng qimmat o‘yinchilari ro‘yxati e’lon qilingan va undan O‘zbekiston terma jamoasi vakili Eldor Shomurodov ham joy olgani xabar qilingandi.
Izoh (0)