Gollivud yulduzi Bred Pitt “GQ” jurnaliga bergan intervyusida hozirda unga filmlarda suratga tushish qiyinchilik tug‘dirayotganini aytib o‘tdi, deb yozadi People Talk.
“Nazarimda, kuchim qolmayotganini his etyapman”, — deydi 58 yoshga kirgan aktyor. — “Bu oxirgi semestr yoki trimestr bo‘lishi mumkin. Ushbu bosqichda nimalar bo‘ladi? Uni qanday loyihalashtirishim kerak?”– deya savol bilan murojaat qilgan u.
Ketishdan oldin aktyor, albatta, bir nechta filmlarda rol o‘ynaydi. Masalan, “O‘qdan tez” jangovar filmi 2022-yilning avgust oyida namoyish etiladi. Deadline nashri esa iyun oyi boshida Apple “Formula-1” filmi uchun huquqlarni sotib olganini e’lon qilgandi, unda Bred Pitt ham bosh rollardan birini ijro etgan.
Ehtimol, aktyor keyinchalik prodyuserlik bilan shug‘ullanishi ham mumkin. Eslatib o‘tamiz, u so‘nggi 20 yil ichida uchta “Oskar” mukofotiga sazovor bo‘lgan. Shuningdek, “Plan B” prodyuserlik kompaniyasiga egalik qiladi. Bu so‘nggi yillarda Bredning aktyorlik karyerasini yakunlash haqida birinchi bor gapirishi emas. Shunday bo‘lsa ham u suratga tushishda davom etmoqda, muxlislar esa Gollivud yulduzi yana uzoq yillar davomida tomoshabinlarni yangi filmlar bilan xursand qilishidan umidvor.
Mavzuga doir:
- Gollivud yulduzi Bred Pitt sobiq rafiqasi Jennifer Enistonga 79 million dollarlik uy sovg‘a qildi
- Priyanka Chopra tekinga, Bred Pitt bir chashka qahva uchun — mashhur filmlardagi rollari uchun gonorar olmagan aktyor va aktrisalar
- “Niqob” emas, “Kabelchi”: Gollivudning mashhur aktyor va aktrisalari qaysi rollari bilan faxrlanadi? (foto)
Izoh (0)