O‘zbekistonda xizmat ko‘rsatgan jurnalist, o‘nga yaqin she’riy va nasriy asarlar muallifi, taniqli jamoat va madaniyat arbobi, Yozuvchilar uyushmasi a’zosi Ahmadjon Toshxo‘jayev vafot etdi. Bu haqda Axborot va ommaviy kommunikatsiyalar agentligi xabar qildi.
Qayd etilishicha, Toshxo‘jayev 1952-yilning 15-martida Namangan viloyati To‘raqo‘rg‘on tumanida tug‘ilgan. Toshkent Davlat universitetini tamomlagan. U G‘afur G‘ulom nomidagi nashriyot-matbaa ijodiy uyi, O‘zbekiston milliy axborot agentligi, O‘zbekiston Respublikasi prezidenti devoni, Vazirlar Mahkamasi huzuridagi Prognozlashtirish va makroiqtisodiy tadqiqotlar institutida turli lavozimlarda faoliyat yuritgan.
Eslatib o‘tamiz, 17-yanvar kuni jurnalist Dilbar Mahmudova 85 yoshida vafot etgandi. Shuningdek, 2-yanvar kuni O‘zbekistonda xizmat ko‘rsatgan jurnalist Rustam Obidov 72 yoshida vafot etgan.
Izoh (0)