16-iyun kuni Kiyevga tashrif buyurgan Yevroittifoq mamlakatlari yetakchilari — Fransiya prezidenti Emmanuel Makron, Germaniya kansleri Olaf Shols va Italiya bosh vaziri Mario Dragi Ukrainaga Yevroittifoq a’zoligiga nomzod maqomi berilishini yoqlab chiqdi, deb yozadi “Kommersant”. Biroq, Die Welt xabariga ko‘ra, buning evaziga ular “yopiq eshiklar ortida” Ukraina prezidenti Vladimir Zelenskiyni Rossiya prezidenti Vladimir Putin bilan muzokaralar o‘tkazishga chaqirgan.
“Ular mamlakatlariga urush tufayli yetayotgan iqtisodiy zarar tobora ko‘payib bormoqda, uning o‘rnini to‘ldirish esa qiyinlashib ketmoqda. Iqtisodiy o‘sish keskin sekinlashdi, inflyatsiya esa rekord darajaga yetdi”, — deya nashr Yevroittifoq mamlakatlari yetakchilarining pozitsiyasiga aniqlik kiritdi.
Die Welt qayd etishicha, “uchlik kechikkan”, u Fransiya, Germaniya va Italiya yetakchilari Ukrainaga, xususan, Buyuk Britaniya bosh vaziri Boris Jonson va Yevrokomissiya rahbari Ursula fon der Lyayyenning tashrifidan keyin yetib kelganini nazarda tutdi. Biroq ular bu tashrifni birgalikda amalga oshirgani “kechikish”ni qoplab ketadi, chunki bu ularning birdamligini namoyish etdi, deyiladi xabarda.
Fransiya, Germaniya va Italiya yetakchilaridan tashqari, Kiyevga Ruminiya prezidenti Klaus Yoxannes ham keldi. Muzokaralar yakunlari bo‘yicha matbuot anjumanida Emmanuel Makron to‘rtala Yevropa yetakchisi ham Ukrainaga “zudlik bilan” nomzod maqomini berish g‘oyasini qo‘llab-quvvatlaganini aytdi. Olaf Shols Ukrainaga a’zolik taqdim etilishi uchun “demokratiya va qonun ustuvorligi bo‘yicha talablar bajarilishi kerak”, dedi.
Shuningdek, Makron ta’kidlashicha, Fransiya va Germaniya Ukraina tomonidan yon berishlar haqida Rossiya bilan muzokaralar o‘tkazmaydi. Uning fikricha, Kiyev muzokaralarni qachon va qanday sharoitlarda qayta boshlashni o‘zi hal qilishi kerak.
Nashr eslatishicha, Rossiya va Ukraina delegatsiyalari o‘rtasidagi so‘nggi yuzma-yuz uchrashuv 29-mart kuni Istanbulda bo‘lib o‘tgan, shundan keyin muzokaralar to‘xtab qolgan edi.
Mavzuga doir:
Izoh (0)