Toshkentning Shayxontohur tumanidagi aholi yashash xonadonlarida 16-iyun kuni soat 09:00 dan 17:00 qadar elektr energiyasi vaqtinchalik o‘chiriladi, deb xabar bermoqda “Toshkent shahar ETK” matbuot xizmati.
Ma’lum qilinishicha, Shayxontohur tuman elektr ta’minoti korxonasi ishchi-xodimlari tomonidan “Oqlon” mahallasidagi “Oqlon” masjidining kengayishi hamda rekonstruksiya qilinishi munosabati bilan hududdagi quvvati 10 kV bo‘lgan yuqori kuchlanishli TP-2762 sonli transformator punktini joyidan boshqa xavfsiz joyga ko'chirish ishlari olib boriladi.
Shu sababli, ushbu hududdagi aholi yashash xonadonlarida elektr energiyasidan vaqtinchalik uzilishlar kuzatiladi.
Shayxontohur tumanining: “Oqlon” MFY, “Ko‘kcha” MFY, “Samarqand darvoza” MFY, “Yangishahar” MFY, “Gulobod” MFY, “Bog‘ ko‘cha” MFYlari hamda Ahil ko‘chalarida yashovchi aholi xonadonlarida elektr energiyasi vaqtinchalik o‘chirildi.
Qayd etilishicha, ayni vaqtda “Toshkent shahar elektr tarmoqlari korxonasi” AJ tasarrufidagi Shayxontohur tuman elektr ta’minoti korxonasi ishchi-xodimlari tomonidan ushbu vaziyatni tezkorlik bilan bartaraf etish uchun barcha zarur choralar ko‘rilmoqda.
Izoh (0)