Tuxum oqsilning ajoyib manbai bo‘lib, go‘shtdan farqli o‘laroq, organizm tomonidan tez va oson hazm bo‘ladi. Bundan tashqari, u kun davomida energiya bilan ta’minlaydi. Shuning tufayli ko‘pchilik nonushta uchun suli yormasi yoki sendvich o‘rniga omlet iste’mol qilishni afzal ko‘radi, deb yozadi Elle.
Tuxum iste’mol qilganda organizmda nima sodir bo‘lishini va sog‘likka zarar bermasdan kuniga qancha tuxum iste’mol qilish mumkinligini bilib oling.
Tuxumning qanday foyda va zararlari bor?
Foydalari:
- tuxum iste’mol qilish qon tomirlari faoliyatini yaxshilaydi: chunki tuxumda qon tomirlarini kengaytiruvchi aminokislota arginin mavjud;
- tuxumda yurak-qon tomir kasalliklari xavfini kamaytiradigan foliy kislotasi mavjud;
- tuxumda xolin mavjud bo‘lib, u miyaga atsetilxolin sintezida yordam beradi (xotira va o'rganish uchun mas’ul);
- tuxumlarini muntazam iste’mol qilish sog‘lom odamlarda tomir tortishishi va yallig‘lanishning oldini oladi.
- qandli diabet bilan og‘rigan bemorlarda xolesterin darajasining yuqori bo‘lish xavfi mavjud (mutaxassis bilan maslahatlashish zarur);
- kamdan-kam hollarda tuxumni tez-tez iste’mol qilish allergik reaksiyaga olib kelishi mumkin;
- tuxum tarkibida B7 vitaminini zararsizlantiradigan avidin mavjud.
Tuxumni qanday holada iste’mol qilish kerak?
Tuxum yumshoq pishirilganda yaxshi hazm qilinadi. Shuningdek, omlet tayyorlashda uning kaloriyasini kamaytirish uchun tovada yog‘siz qovurish mumkin.
Eslatib o‘tamiz, pishirishdan oldin tuxumni yuvishni unutmaslik kerak, chunki tuxum qo‘yilganda ko‘plab mikroorganizmlar uning qobig‘ida qoladi. Bundan tashqari, tuxum qayerda va qanday sharoitda saqlanganini ham bilib bo‘lmaydi.
Izoh (0)